پەیمانگەها گەل و سیاسەت پرۆژێ «گوهۆڕینا رەوشەنبیریا دامەزراوەیی و ئاڤاکرناسەرکردەیێن پاشەرۆژێ» ل قوتابخانا ئەمریکی ل دهۆکێ ئەنجام ددەت.
ب هەڤکاری و هەماهەنگی دگەل کارگێڕیا قوتابخانا ئەمریکی ل دهۆکێ، پەیمانگەها گەل وسیاسەت پرۆژێ «گوهۆڕینا رەوشەنبیریا دامەزراوەیی و ئاڤاکرنا سەرکردەیێن پاشەرۆژێ» ل رێکەفتی 24ێ تەباخێ 2026ێ، ب پشکداریا پتر ژ 100 کەسان رێکخست.
د دەمێ پێشکێشکرنا بەرنامەی دا، راهێنەر (سەردار دۆسکی) بەحس ل کۆمەکا بابەتێن گرێدایی پێشخستنا دامەزراوەیی و ئاڤاکرنا شیانێن سەرکردایەتیێ کر، ژ وان ژی بهێزکرنا هەستا ژێیاتیێ بۆ دامەزراوەیێ، ڤەدیتنا شیانێن ڤەشارتی ل دەڤ کارمەندان، چەوانیا ئاڤاکرنا تیمێن کاری، «کارگەها شیانان»، سەرەدەرییکرن دگەل رەوشێن دژوار، «تاقیگەها دەستپێشخەریان»، ئاڤاکرنا دیدگا پاشەرۆژێ، گەشتا قوتابی ژ مال هەتا قوتابخانێ، گوهۆڕینا بها و شیانان بۆ کریارێن رۆژانە، گوهۆڕینا بهایان بۆ رەفتار، و بهێزکرنا گیانێ هەڤکاریێ و کارێ ب کۆم.
هەروەسا د رێکخستنا ڤی کاری دا دەهـ راهێنەرێن هاریکار کو خودان باوەرنامێن بلن و هەمەجور بوون د ناڤ تیمێ کاری دا رولەکێ بهێز و کاریگەر گێران، و چەندین راهێنان و چالاکیێن کرداری هاتنە ئەنجامدان.
ئەڤ پرۆژە بۆ دەمێ 90 رۆژان دێ یێ بەردەوام بیت، و ل سەر چەند قۆناغان دێ هێتە بجهئینان، ب مەرەما پێشخستنا بوارێن کارگێڕی، سەرکردایەتی و پەروەردەیی ل دەڤ مامۆستایان و دەستەیا کارگێڕی یا قوتابخانێ.
کۆمێنت (0)
هێشتا کۆمێنت نینە.
