پەیمانگەها گەل و سیاسەت خولەکا راهێنانا راهێنەران (TOT) رێکخست.
ب هەڤکاری و هەماهەنگی دگەل نڤیسینگەها رێکخستنێن پارتی دیموکراتی کوردستان ل دهۆکێ، پەیمانگەها گەل و سیاسەت، ل رێکەفتی 22/7/2025، خولەکا راهێنانا راهێنەران ب پشکداریا کۆمەکا کادرێن حزبی رێکخست.
د ڤێ خولێ دا کۆمەکا بابەتێن گرنگ ب شێوەیێ تیۆری و پراکتیکی هاتنە پێشکێشکرن، ژ وان ژی: چەمکێ راهێنانێ، جوداهیا د ناڤبەرا راهێنان و وانەگۆتنێ دا، سالۆخەتێن راهێنەرێ سەرکەفتی، پێکهاتەیێن راهێنانێ، ئامراز و پێداویستیێن راهێنانێ، زمانێ جەستەیی، ئامادەکرنا بابەتێن راهێنانێ یێن تایبەت ب هەلبژارتنان ڤە، ئاستەنگێن راهێنانێ، ئامادەکرنا رێبەرێ راهێنەری و هەلسەنگاندنا راهێنانێ.
ئەڤ خولە ب مەرەما ئامادەکرنا راهێنەران ژ کادرێن حزبی و پێشڤەبرنا شیانێن وان د بوارێن راهێنانێ دا هاتە ئەنجام دان و بۆ ماوێ سێ رۆژان یا بەردەوام بوو.
کۆمێنت (0)
هێشتا کۆمێنت نینە.
